Documentation

Letters

-Search for letters
-Search in texts

Manuscripts

Editions

Links

Contact

C18

Link: linnaeus.c18.net/Letter/L0038 • Axel Gottlieb Reuterholm to Carl Linnaeus, 24 September 1735 n.s.
Dated ipsis idbus septembr: Ao MDCXXXV. Sent from Rörås (Norway) to (). Written in Latin.

Doctissimo et Experientissimo
Medicinae Doctori
D[omi]no Carolo Linnaeo
S[alutem] P[lurimam] D[icit]
Axel G[ottlieb] Reuterholm

Diu jam, rupes inter et invia, in peregrino solo, consuetudine literisque familliarium [sic] adeo usque carui, ut e societate mortalium exul mihi visus sim. Nil novi in his desertis occurrit, nisi quod disertissimum in omnibus rebus naturae silentium insinuavit, et mirari coegit adspicientem. Inter negotiosa haec otia, quoties Tui meminerim non facile dicere possum, Singula enim animalcula, lapides et plantarum adusque minima, Linnaeum meum loquebantur et memoriam ejus revocabant. Optabam de conditione Tua certior fieri, vota pro incolumitate amici charissimi nuncupabam creberrima. Iam vero circa finem exilii patrium limen brevi revisurus, voluptate illa permulceor, ut te valere, et novis quidem honoribus auctum vigere, audiam.

Credas, amice, vehementer gaudeo; non ac si existimarem Tibi inde aliquid accessisse, omnibus enim qui norunt quanti sis, titulis et testimoniis major visus es. Sed quam maxime laetor, quod eruditionis Tuae laus, jam speciminibus Te dignis, omnibus probata sit, et Tu exterorum etiam adplausu excipiaris.

Ne tamen peregrinae gloriae tantum tribuas oro, ut diu nimis expectationem popularium fallas, et amplexus fugias eorum, qui ut reddat Te propere Deus incolumem patriae optant; Te quem gaudio amicis, admirationi sanis, et saluti aegrotis futurum confidemus.

Tu interea fatis sempere [sic] utere benignis, et amicorum memento; quorum ego integerrimus, opto ut valeas.

Dabam in limine Norvagiae, Röraas, ipsis id[i]bus septembr[ibus] A[nn]o MDCCXXXV.

upSUMMARY

Axel Gottlieb Reuterholm writes this letter in the desolate wilds in the neighbourhood of Norwegian Rörås. Nothing really happens here. Silence is prevalent. However, Reuterholm is constantly reminded of Linnaeus: every living creature, the stones, and the tiniest little flower, they all whisper “Linnaeus” and revive the memory of him. Now the expedition is over. Reuterholm is eagerly looking forward to seeing Linnaeus again. He is very happy because of Linnaeus’s enormous success and all the well-deserved honours that have been bestowed upon him, not least abroad. Reuterholm expresses the hope that Linnaeus, despite his success in foreign countries, will return to his fatherland. “We feel confident that you will mean happiness to your friends, admiration to the healthy and cure to the sick.”

Reuterholm closes his letter by wishing Linnaeus the best of luck and urging him not to forget his friends.

P.S. Reuterholm sends his best regards to Claes Sohlberg.

upMANUSCRIPTS

a. original holograph (LS, XII, 184-185). [1] [2] [3]