Documentation

Letters

-Search for letters
-Search in texts

Manuscripts

Editions

Links

Contact

C18

Link: linnaeus.c18.net/Letter/L0177 • Carl Linnaeus to Christian Gottlieb Ludwig, 10 May 1737 n.s.
Dated 10 Maj. 1737. Sent from Hartecamp (Netherlands) to (). Written in Latin.

Viro Clarissimo Celeberrimoque,
D[omino] Christiano Gottlieb Ludwig,
Art[ium] M[agistro] et Baccala[ureo] Med[icinae],
Botanico Excellentissimo,
s[alutem]
Carolus Linnaeus.

Serius quam par est respondeo ad ultimas Tuas, cum tot tamque variis me detentum fateor negotiis, ut ne unica hora per aliquot menses mihi non laboriosa fuerit. Veniam itaque morae concedas Tu, quem me ex animo amare novi certissime.

Quod mea levidensia apud Tuos Conterraneos commendare non dedignaveris,[1] grata mente persolvam, dum Tua prodeant, quae videndi desider[i]o maxime flagro. Ego inter eos ero, qui institutum Tuum laudatissimum commendabo quam maxime, si Tibi sim dignus amicus.

Tua meis contraria non erint, licet mea erronea judicares omnia. Homines creati sumus, ut dissentiamus, quo dissensu tandem veritas elucescat. Vivimus Botanici in libera republica. Cuique ratum est statuere quod ipsi placeat, dicere quod sentiat. Solus dies nos judicabit.[2]

Nomina, quae rejeci, non omnia rejicienda Tu judicares, ego licet quam maxime haec omnia et forte plura. Tu nil meae temeritatis vidisti hactenus. Quod si omnia nomina specifica rejicienda quis existimaret? Sustineam haec demonstrare, licet famae cum periculo. Te agnoscam judicem, quem judicii compos[a][a] : MS1 [read] compotem esse novi. Tuis pares. Imprimitur nunc Critica mea Botanica[3] et hoc die paginam ducentecimam[b][b] : MS1 [read] ducentesimam impressam vidi. Quam primum absoluta est, eandem ad Te mittam. Tuae censurae subjiciam. Ego non curo, quid judicii impotes judicent vel non judicent. Sapientiorum quaero judicia et vestrorum filiorum. Adgressus sum tantum exemplis propositiones meas demonstrare a paragrapho 210 ad 324 secundum Fundamenta mea Botanica.[4] Quamprimum impressa sunt, ut habeas, curabo.

Me certiorem facias, quasnam plantas maxime desideraret D[ominus] Prof[essor] HebenstreitHebenstreit, Johann Ernst
(1703-1757). German. Anatomist and
explorer. Professor in Leipzig in 1729.
Travelled in North Africa 1731-1735.
Correspondent of Linnaeus.
, num succulentas in sufficienti copia habeat et qua methodo absque eius nimiis impensis ad eum mitterem, quae vellem. Curabo et ego, ne ingratus moriar.

Vellem scire, qua methodo incedas. Num assumas classes naturales vel Rivinianas? Agnosco Classes naturales optimas nec in his a Cel[eberrimo] HalleroHaller, Albrecht von
(1708-1777). Swiss. Naturalist and
poet, professor of medicine, botany,
anatomy and surgery at Göttingen
1736-1753. Correspondent of Linnaeus.
dissentiam. Agnoscam et quod, si classis naturalis ex subjectis speciebus et characteribus datis judicetur; nulla hactenus data naturalis umquam se obtulit. Agnoscam, quod ego nec classes naturales in mea methodo quaesiverim. Et hoc me vitio vertat quidam. Puto, quod nullus ex uno principio assumto ad classes pervenire queat naturales. Cum autem naturales urgeant classes, ego genera (fragmenta methodi naturalis)[5] proponam. Det definitiones, qui potest; addat quae deficiant. Ego fateor me non posse. Quid sciam in his judicent deinde judicii compotes.

In Appendice ad Criticam meam[6] viginti addam genera. Inter ea Ludwigiam[7] videbis, quam Meriana, De insect[is] Surinamensibus, p. 39,[8] depinxit et aliam speciem Horti Malabarici authores[9] Tomo 2do, tabula 50, exhibuerunt. Prioris semina terrae mandabimus. Si excrescant semina, communicabo.

Me adhuc detinet Hortus Cliffortianus.[10] Quo absoluto videbis ArtediArtedi, Peter (1705-1735).
Swedish. Ichtyologist. Close friend of
Linnaeus.
Synonymologiam Piscium,[11] opus in ista Historiae naturalis parte (ni coecus sim) sine pari. Ille authores recensuit omnes, qui de piscibus scripsere a condito orbe ad eius mortem eodem quo C[asparus] BauhinusBauhin, Caspar (1560-1624).
Swiss. Botanist and physician, Basle.
Bauhin’s Prodromus and Pinax
theatri botanici
(1620, 1623, 1671)
were important works in the field of
botanical nomenclature.
plantas studio. Mihi, amico unico, reliquit omnia. Duos modo, quos novi, Authores non viderit, quod doleo maxime, Danubii Mysici Authorem[12] et Hebenstreitiana de piscibus.[13] Nec mihi tempus, forte nec capacitas, nec venia ea supplendi. In altero tomo tradit descriptiones omnium piscium, quos viderit, perfectiores quam ab ullo mortalium ante eum, in Tertio Historiam literariam omnium authorum, in quarto Theoriam artis. At vir pauperrimus mihi a Decem annis amicissimis conterraneus periit aquis submersus Amstelodami ante duos annos, dum circa vesperam domum peteret.[14]

Valeas et me porro ama!

Dab[am] ex Musaeo Cliffort[iano] d[ie] 10 Maj[i] 1737.

Ante mensem Floram Lapponicam[15] misi. Scire vellem, num ad vos pervenerit.

upSUMMARY

Linnaeus is not offended by the fact that Christian Gottlieb Ludwig does not want to recommend his works to the Germans. Ludwig does not want all names to be rejected, that are rejected by Linnaeus himself. However, Linnaeus is ready to demonstrate that all specific names can be rejected.

Two hundred pages of Linnaeus’s Critica botanica have now been printed. Linnaeus has demonstrated with examples his theories in Fundamenta botanica (§§ 210-324). He asks what plants Johann Ernst Hebenstreit is interested in receiving.

Linnaeus would like to know whether Ludwig is using natural classes or August Quirinus Rivinus’s classes. Natural classes are the best ones but Linnaeus himself has never seen any. And he did not look for natural classes in his method, a fact for which he was criticised. In his appendix to Critica botanica Linnaeus will add twenty genera, among which will be Ludwigia, depicted by Maria Sibylla Merian in Metamorphosis insectorum Surinamensium, p. 39.

When Hortus Cliffortianus is finished, Linnaeus will publish Petrus Artedi’s Ichtyologia. Artedi went through all authors who have written about fish. He only missed the author of Danubius Mysicus and Hebenstreit. Artedi had been Linnaeus’s friend for ten years, when he drowned in Amsterdam two years ago.

upTEXTUAL NOTES

a.
MS1 [read] compotem
b.
MS1 [read] ducentesimam

upEXPLANATORY NOTES

1.
See Christian Gottlieb Ludwig’s letter to Linnaeus, 30 April 1737 n.s..
2.
See Linnaeus’s letter to Ludwig, 14 August 1737 n.s..
3.
4.
5.
6.
7.
See Linnaeus’s letter to Ludwig, 28 July 1737 n.s.Letter L0191 and Ludwig’s letters to Linnaeus, 24 May 1737 n.s. and 6 December 1737 n.s.Letter L0227 repectively.
8.
9.