Documentation

Letters

-Search for letters
-Search in texts

Manuscripts

Editions

Links

Contact

C18

Link: linnaeus.c18.net/Letter/L0212 • Andreas Elias Büchner to Carl Linnaeus, 20 October 1737 n.s.
Dated XX. Octobr. MDCCXXXVII. Sent from Erfurt (Germany) to Amsterdam (Netherlands). Written in Latin.

Viro Praenobilissimo, Experientissimo Doctissimoque
Domino
D[octori] CAROLO LINNAEO,
Imperialis Academiae Nat[urae] Curiosor[um] Collegae
Dignissimo.
S[alutem] P[lurimam] D[icit]
Andreas Elias BüchnerusBüchner, Andreas Elias
(1701-1769). German. Editor of
Miscellanea
physico-medico-mathematica
.
Correspondent of Linnaeus.
.

Quantum gaudii laetitiaeque suavissimarum Tuarum litterarum[1] primae mihi attulerunt lineolae, dum exinde et vivere et valere Te adhuc, Vir Praenobilissime, intellexi, measque priori anno, unacum adjuncto Diplomate receptionis in Academiam_AcademieNurnberg_. nostram[2] , ad Te datas rite in manus Tuas devenisse cognovi. Tantum sane, imo longe plus maeroris ac tristitiae sub reliquarum perlectione animum perfundebat meum, postquam Te non solum responsorias statim ad me dedisse, sed etiam quaedam doctissimorum Tuorum Scriptorum, diu et anxie jam a me desideratorum, simul transmisisse, exinde percepi. Putabam equidemprimo, posse eadem forsitan Noribergae apud D[ominum] D[octorem] WidmannumWidmann, Johann Wilhelm
(1690-1743). German. Physician.
Director of the Academia Caesarea
Leopoldino-Carolina Naturae Curiosorum
in 1735.
, Ephemeridum Academiae nostrae Directorem[3] , aut alium quempiam D[ominum] Collegam latitare, idque solatii imaginarii primos quadantenus compescuit maeroris conjunctaeque indignationis fluctus. Cum vero paucos ante dies illi omnes uno quasi ore per litteras mihi significarent, nihil prorsus horum sibi redditum esse, invitus sane omnem ea unquam recuperandi spem dimittere coactus fui, hacque de causa nunc Te, Vir Praenobilissime, quam instantissime rogatum volui, ut si quid forsitan ulterius, speciatim vero etiam Tuum vitae curriculum, Matriculae Academiae adhuc inserendum, ante plenarium Tuum e Belgio discessum (quem faustum fortunatumque Deus esse jubeat) ad me mittere Tibi placeat, illud omne, si citra singulare fieri poterit incommodum, Lipsiam potius dirigas, sub proprii mei nominis inscriptione, ibique in pharmacopolio beati Domini LinckiiLinck, Johann Heinrich
(1674-1734). German. Pharmacist and
naturalist.
, Amici mihi quondam conjunctissimi, deponere iubeas, unde semper omnia, quae ex maxime etiam dissitis locis ad me spectant, secure obtineo.[4] Quodsi etiam inposterum, post felicem Tuum in Patriam reditum, amoenissimum litterarium commercium, super ea, quae ad Historiam naturalem spectant, mecum continuare Tibi placuerit, pro virium temporisque ratione promptum semper me habebis in respondendo. Id enim voluptatis, quod exinde in animo meo semper percipio, aliis si non invideo, aegerrime tamen, si modo qualecunque mihi suppetit spatium, iisdem concedo, adeoque vix opus esse existimo, ut alium quempiam in hisce oris Tibi procurarem amicum. De reliquo summopere omnino Tecum doleo acerba beati nostri SebaeSeba, Albert (1665-1736).
Dutch. Pharmacist and collector of
natural history specimens, Amsterdam.
suorumque Scriptorum fata, multum utique detrimenti imprimis reipublicae litterariae Medico-Physicae adferentia. Utinam tempestive adhuc resipescerent nefandae avaritiae nimium dediti Ejus generi, reliquosque Thesauri[ 5] istius egregii Tomos luci publicae exponi permitterent, ne mancum mutilumque maneat opus adeo nitidum pretiosumque. Mentem e contra magis serenam hilaremque reddit suavissimum Tuum promissum, de propediem transmittendis Observationibus quibusdam curiosis Lapponicis, quas sane optime asservabo, utque Volumini Vto Actorum nostrorum[6] , futuro anno b[ono] c[um] D[eo] prodituro, statim inserantur, debite curabo.

Vale amantissime Collega mihique favere nunquam intermitte.

Dabam Erfordiae, d[ie] XX. Octobr[is] MDCCXXVII.

upSUMMARY

Andreas Elias Büchner is very grateful for the letter he has received from Linnaeus, and now he can see that Linnaeus is alive and well and that he has received the letter together with an invitation to Academia Caesarea Leopoldino-Carolina Naturae Curiosorum, which Büchner had sent last year. He became sad when he was reading the rest of the letter from which he learned that Linnaeus not only had answered at once, but also had sent some of his learned works, which Büchner anxiously had been waiting for. At first he had thought that they could be in Nürnberg with Johann Wilhelm Widmann, the director of the Ephemerides (Transactions of the Academia Caesarea Leopoldino-Carolina Naturae Curiosorum), or one of his colleagues. This was an apparent and temporary comfort in his grief and anger. When he a few days ago was told by a letter that this was not the case he was forced against his will to give up hope. He now, before Linnaeus leaves Holland, asks for something more, especially the curriculum vitae to be inserted in the register of the Academia Caesarea Leopoldino-Carolina Naturae Curiosorum. He wants it to be sent to Leipzig, in his name, deposited at the late Johann Heinrich Linck’s, once a very close friend, pharmacy. Büchner certainly will receive it there. Büchner will always be ready to answer if Linnaeus, after his return to Sweden, continues this exchange of letters on natural history. He does not believe that it is necessary for him to procure some other person to correspond with Linnaeus from this part of the country considering the great joy he himself feels corresponding with Linnaeus. It would not be easy for him to see anyone else taking part in that. Büchner is also struck by the fate of the late Albert Seba and his writings. This makes much damage to medicine and natural science, and he hopes that the sons-in-law, greedy for gain, in time will come to their senses again and allow the publishing of the rest of the Locupletissimi rerum naturalium thesauri accurata descriptio. Linnaeus’s promise to very soon send his Lappish observations has made Büchner cheerful, and he will insert it at once in the fifth volume of the Ephemerides (Transactions of the Academia Caesarea Leopoldino-Carolina Naturae Curiosorum), that is to come out next year.

upMANUSCRIPTS

a. (LS, II, 314-315). [1] [2] [3]

upEDITIONS

1. Bref och skrifvelser (1943), vol. II:2, p. 19-20   p.19  p.20.

upEXPLANATORY NOTES

1.
Linnaeus to Andreas Elias Büchner, 8 September, 1737 n.s.Letter L0205.
2.
On this election see Schmied & Freund, “Linné und Academia Naturae Curiosorum”Schmid, Günther & H. Freund
“Linné und Academia Naturae
Curiosorum”, SLÅ 13 (1930),
124-152.
.
3.
4.
5.
6.