Documentation

Letters

-Search for letters
-Search in texts

Manuscripts

Editions

Links

Contact

C18

Link: linnaeus.c18.net/Letter/L0628 • Johann Joachim Lange to Carl Linnaeus, 9 May 1745 n.s.
Dated IX Maii 1745. Sent from Halle (Germany) to (). Written in Latin.

Vir Excellentissime, Doctissime,
Fautor colende.

Tuas recte accepi. Ex animo gaudeo, quod TIBI et orbi litterario inservire queam et editionem Historiae TUAE animalium cura mea in lucem publicam producere. Laetus obstetricias manus foetui huic litterario a multis exoptato adhibebo.[1] Adest bibliopola. Optat, ut operi inscribatur titulus Historia animalium Europae praesertim Sueciae vel alius similis. Sed de hoc alio tempore. Titulus enim est in impressione ultimus. Scripsisti de sexaginta circiter figuris. Has accurate et nitide sculpendas et exprimendas curare possum. Erunt vero tot figurae, non autem tot plagulae vel tabulae aeri incidendae. Plures figurae, si res permittit, poterunt in una plagula vel tabula coniungi. Fac etiam me certiorem de honorario TIBI a bibliopola salvendo, ut cum eodem transigere possim. Tuis inservire commodis mea erit cura, quantum potero. Si adessent synonima linguarum Suecicae, Lapponicae, Finnicae, Russicae, Danicae, Anglicae, Germanicae, Hollandicae, etc., omnibus nationibus foret procul dubio gratissimum. Placuerunt mihi in editione Parisiensi systematis naturae synonima Gallica. Displicuit valde omissio Suecicorum.[2] Vidi cum admiratione catalogum animalium regni Sueciae a Te editum apud Batavos impressum.[3] Intellexi longe plura esse animalia Sueciae propria, quibus reliqua Europa caret, quam ea, quae ex Suecia exsulant. O vagina insectorum! Adde rogo orationem TUAM de insectis anno 39 habitam Latino idiomate donatam.[4] Nihil intermittam, quod ad nitidam et mendis typographicis non foedatam editionem facere potest. Halae enim prodibit opus. Jube, quot velis exemplaria Tibi mittenda vel Tuo jussu et nomine ad amicos mittenda et distribuenda! Quaecunque alia etiam jusseris, libenter assequar. Gratulor mihi, quod communia studia Tuum mihi conciliaverint favorem. Transmitte itaque manuscriptum Tuum cum figuris designatis, quam primum tuta erit occasio. Favebit Neptunus historiae piscium.[5] Ego vero, vir Excellentissime et amicissime, operam dabo, ut TU et BeckiusBäck, Abraham (1713-1795).
Swedish. Physician, president of the
Collegium Medicum, Stockholm. Close
friend of Linnaeus. Correspondent of
Linnaeus.
intelligatis me eum esse, quem hic Tibi forte commendavit ut Tui et historiae naturalis, quae hoc tempore seiungi nequeunt, studiosissimum.
Vale et fave

Excellentissimi Nominis Tui

cultori observantissimo

Jo. Joach. Langio.

Halae Saxonum die IX Maii 1745.

upSUMMARY

Johann Joachim Lange is pleased to help Linnaeus in getting his history on animals printed. Technical details are discussed, e.g., the final title of the work and its illustrations. Lange suggests that Swedish, Laplandish, Finnish, Russian, Danish, English, German and Dutch names of the animals should be added.

Lange admires Linnaeusís Elenchus animalium per Sueciam observatorum. He would like to have Linnaeusís oration on insects (1739) to be printed in Halle.

Neptune will favour Linnaeusís work on fish.

Hopefully both Linnaeus and Abraham Bäck will realise that Lange is the man to promote Linnaeusís interests in Germany.

upMANUSCRIPTS

a. original holograph (LS, VIII, 397). [1] [2]