Documentation

Letters

-Search for letters
-Search in texts

Manuscripts

Editions

Links

Contact

C18

Link: linnaeus.c18.net/Letter/L0676 • Johann Georg Gmelin to Carl Linnaeus, 4 February 1746 n.s.
Dated XXIV Januari. MDCCXLVI. Sent from St Petersburg (Russia) to Uppsala (Sweden). Written in Latin.

Viro Excellentissimo,
D[omino] D[octori] Carolo Linnaeo,
Prof[essori] Upsalensi,
S[alutem] P[lurimam] D[icit]
J[oannes] G[eorgius] Gmelin.

Dum id ago, quod mearum partium est, plantas Tuas, animalia, insecta turbare videor. Si vero officium neglexero, ingratitudinis notam incurro. Et deberem contra indolem quidem meam ingratus esse, nisi toties jam Te, Vir praestantissime, sine omni mea noxa magno potius meo commodo interrupissem. Scilicet humane natus es & humane cum omnibus & mecum agis bono publico & privato cujusvis intentus. SalvioSalvius, Lars (1706-1773).
Swedish. Printer, bookseller, publisher.
Correspondent of Linnaeus.
curante Tuo jussu transmissam accepi Floram Suecicam, quae tam mihi cara est, ut gratiarum actionem ulterius differre iniquum esset.[1] Gratias igitur habeas amplissimas non solum pro egregio Tuo libro, sed etiam pro cura, quam impendisti, ut cito ad me perveniret. Exemplum video, mihi quidem in aliis quam Tuis antea non visum, libri mole parvi, rerum copia vastissimi. Flora Sibirica alia facie incedet.[2] Quod observationum pondere deerit, copia verborum compensabit. Spem habeo proxime prelum subituram esse. De Stöllero litteras non ita diu accepimus, quibus nunciat se jam in reditu constitutum esse. Secundum calculum nostrum futura hieme Petropolim pervenire poterit. Miseram ad illum characteres Tuos[3] & floram Lapp[onicam],[4] quae se accepisse scribit maxime gavisus de elegantia botanices. Misi etiam Artedum, ut notas piscium characteristicas eo certius consignare datum esset.[5] Et jam aliqua ex parte hoc officium se complevisse testator. Miras plantas maximas se collegisse annunciat. Hunc post meum abhinc discessum Tuo amore commendabo, virum indefessum nec illiteratum.

Vale & me amare perge!

Dabam Petropoli d[ie] XXIV Januari[i] MDCCXLVI.

[address] A Monsieur, / Monsieur le Docteur Linnaeus / Professeur en histoire naturelle / à / Upsal

upSUMMARY

Johann Georg Gmelin has received Linnaeusís Flora Svecica through Lars Salvius.

Gmelin hopes that his Flora Sibirica will soon be printed.

Georg Wilhelm Steller is preparing his return and may be in St Petersburg next winter. Gmelin has sent him Linnaeusís Genera plantarum, Flora Lapponica and Petrus Artediís Ichtyologia. Steller has gathered many remarkable plants.

upMANUSCRIPTS

a. original holograph (LS, V, 35). [1] [2]