Documentation

Letters

-Search for letters
-Search in texts

Manuscripts

Editions

Links

Contact

C18

Link: linnaeus.c18.net/Letter/L1038 • Johann Georg Gmelin to Carl Linnaeus, 4 July 1749 n.s.
Dated IV Jul. MDCCXLIX. Sent from Tübingen (Germany) to (). Written in Latin.

Viro Illustri,
Carolo LINNAEO,
S[alutem] P[lurimam] D[icit]
J[oannes] G[eorgius] Gmelin.

Vix me inter vivos adhuc esse credes, cum ad humanissimas Tuas d[ie] 20 Febr[uarii] exaratas responsum hucusque distulerim.[1] Nullo, quae Dei gratia est, morbo conflictatus sim, sed alia fuerunt negotia, quae magno mihi in litterariis rebus fuerunt impedimento. Matrimonium contraxi cum virgine quadam FrommeniaFrommenia, Barbara (1709-1789).
German. Wife of Johann Georg Gmelin,
daughter of Johann Ulrich Frommamm.
, filia professoris quondam inter nos Theologiae &, licet nuptiae jam 22 Aprilis celebratae fuerint, taedae tamen non ita protinus extinctae fuerint.[2] Gratias ago quas possum maximas pro transmissis seminibus. Felicissimum me praedicabo, si rarioribus in horum locum transmissis seminibus rependere aliquo modo Tuam gratiam potero, id quod spero me sub autumnum effecturum esse. De mea enim erga Te voluntate nunquam, quaeso, dubites. Non redibo Petropolin unquam. Tamen nondum me cum Russis composui. Nolunt adhuc prorsus desistere & iterum iterumque me vocarunt. Remittunt tamen aliquanto. Interim vellem, ut res haec tandem componeretur. Hic enim Tubingae moralitatis erga gentem duram nimis studiosi officium aggredi non permittunt, antequam dimissionem acceperim in forma. Interim duriuscule mecum adhuc agunt Russi & fere omnibus, quibus me spoliant, quas quidem nunquam redderem, nisi amor patriae & fastidium durae gentis & honestas id suaderent & fere praeciperent. Secundi tomi florae Sibiricae d[ie] 6 Maj[i] duodecima jam plaga impressa erat[a][a] : MS1 <erit> erat & promittunt ad autumnum usque totum opus absolutum iri.[3] In tertio jam laboro.[4] Non autem reddam, donec vel aliquid saltem pro labore exsolverint. Doleo, quod laborem Tibi facessat electio mei inter membra honoraria Academiae vestrae. Litteras sane ad Academiam vestram diu misissem cum gratiarum actione, nisi in hunc usque diem de electione mea dubius essem. Tu jam, uti ante biennium fecisti, me certiorem reddis, quod nomen meum primo hujus anni triennio insertum erit, nec ego vel minimam de certitudine rei diffidentiam habeo. Optarem tamen, ut monumentum ejus rei publicum prodiret. Hoc quam primum videro, non tantum gratias agam decentissimas, sed & curabo, ut transmissione dissertationis alicujus meam Illustrissimae Academiae gratitudinem testatam faciam publice. Cum enim in prima electione, cui Tu interfuisti, verbum retractaverint, quidni & idem in secunda efficere possent electione? Opuscula botanica HalleriHaller, Albrecht von
(1708-1777). Swiss. Naturalist and
poet, professor of medicine, botany,
anatomy and surgery at Göttingen
1736-1753. Correspondent of Linnaeus.
nostri forte vidisti, quae etiam meo inter alia nomini dicavit inter Deos minorum gentium minimo. Licet Professor nondum sim constitutus, lectiones tamen botanicas quotidie studiosis medicinae habeo & incipiunt fundamentis verae & genuinae botanicae delectari adeo, ut spem concipiam fore olim multos homines in regionibus nostris botanices studiosos. Nullum enim dubium est, quin & apud nos multa supersint detegenda. Ex Rudolphi Jacobi CamerariiCamerarius, Rudolf Jacob
(1665-1721). German. Professor of
medicine, Tübingen.
temporibus Academia nostra non admodum gavisa est botanicis & antecessor meus de characteribus plane nil scivit. Plantulas vero ex habitu vix tres dignoscere potuit.

Vale, Vir Illustris, rem botanicam augere perge & in seros usque annos vive cum perpetua incolumitate!

Dabam Tubingae d[ie] IV Jul[ii] MDCCXLIX.

Invida nobis tempestas, frigida, humida, insectis omnis generis, cochleis inprimis, infestissima, omnem fere spem seminum hoc anno colligendorum adimit.

upSUMMARY

Johann Georg Gmelin has received Linnaeus’s letter dated 20 February 1749 o.s., 3 March 1749 n.s.

On 22 April Gmelin married Barbara Frommenia.

Gmelin is grateful for the seeds Linnaeus sent him. He will never return to St Petersburg. The second volume of Gmelin’s Flora Sibirica will be completely printed in the autumn; he is now working on the third volume.

According to Linnaeus Gmelin has been elected honorary member of the Royal Swedish Academy of Sciences. But Gmelin would like to have some official confirmation of this honour, before he conveys his thanks.

Gmelin is not yet a professor, but he teaches botany to students of medicine. Since the days of Rudolf Jacob Camerarius botany has been neglected, but there is now great hope that it will start flourishing again.

P.S. The cold and moist weather and a lot of insects and snails have made it almost impossible to collect seeds.

upMANUSCRIPTS

a. original holograph (LS, V, 60-61). [1] [2] [3]

upTEXTUAL NOTES

a.
MS1 <erit> erat

upEXPLANATORY NOTES

1.
Linnaeus’s letter to Johann Georg Gmelin dated 20 February 1749 o.s., 3 March 1749 n.s., has not come down to us.
2.
In 1749 Gmelin married Barbara FrommeniaFrommenia, Barbara (1709-1789).
German. Wife of Johann Georg Gmelin,
daughter of Johann Ulrich Frommamm.
, the daugter of Johann Ulrich Frommann.
3.
Gmelin, Flora SibiricaGmelin, Johann Georg Flora
Sibirica, sive Historia plantarum
Sibiriae
(St Petersburg 1747-1769).
. Vol. II “1749” was published early 1752.
4.
Gmelin, Flora SibiricaGmelin, Johann Georg Flora
Sibirica, sive Historia plantarum
Sibiriae
(St Petersburg 1747-1769).
. Vol. III was published in 1769 by Samuel Gottlieb Gmelin.