Documentation

Letters

-Search for letters
-Search in texts

Manuscripts

Editions

Links

Contact

C18

Link: linnaeus.c18.net/Letter/L2450 • Johannes Burman to Carl Linnaeus, 28 November 1758 n.s.
Dated 17 28/11 58. Sent from Amsterdam (Netherlands) to Uppsala (Sweden). Written in Latin.

Nobilissimo & Doctissimo Viro,
Carolo Linnaeo, Equiti,
Professori Celeberrimo,
S[alutem] D[icit]
Joannes Burmannus.

Ex Litteris Tuis 7 die hujus mensis ad me datis percepi Tibi placere descriptionem plantae elegantissimae a me depictae, quae, licet a reliquis Ixiae speciebus sit divertissima, ad idem tamen genus pertinere Tibi persuasum habere, quod non credidissem, quum in nulla parte, me Judice, conveniat cum reliquis Ixiarum Capensium speciebus; fateor more crescendi convenit cum Ixia punctata; flos vero omnino differt cum tota ejus fructificatione, sique non aegre feras, ut ante oculos Tibi ponam 1° spathas tam singulares, nec non minus admiranda est floris corolla, cujus petala penitus revoluta, ad oras fimbriata in medio elevata et quasi ventricosa, quae in punctata aequalia, concava, glabra, et erecta. Stamina porro adeo subtilia, ut visum fugiant, et antherae alius penitus formae sub filamenti divisione ipsi stylo penitus incumbunt, ita ut accretae vel cum ipso nexae videantur, ne dicam de stigmate tam singulari.

Fructus quod attinet penitus differt; est enim capsula elongata & acuminata, cujus axi medio semina adhaerent minutissima quaeque tota spathis involvitur, quum in punctata specie, capsulae sint nudae, ventricosae, subovatae et obtusae; si ipse florem examinasti, quem Tibi liquori infusum vasculoque totum inclusum transmisi cum Filio Archiatri quondam vestri, puto et spero in meam sententiam Te transiturum; ego saltem huc usque videre non potui ad Ixiae genus pertinere, quodque ut Tibi in posterum melius constet, hisce includi bulbum, quem nuper ex Cap[ite] Bonae Spei accepi. Utinam et hic in sequente aestate apud Te floreat!

Ne indigneris, mi Linnaee, me aperte Tibi meam declarasse senten¬tiam, quum in Tuam descendere nondum potuerim.

Nolim tamen Vim Naturae legibus inferri, sed plurimi forte sunt plantarum characteres, qui non ita variant, et tamen singularia constituant genera. Judex itaque sis aequus et rem mihi declares sicuti in ipso flore invenisti, sique eum diversum ab Ixiis inveneris, servetur, quaeso, nomen Ferrariae; sin minus, sit Ixia, sed tum tecum communicare possem forte decem vel plures Ixiarum Capensium species, quae successive apud me floruere et adhuc florent, in quibus petala totaque fructificationis struc¬tura penitus est diversa.

Aveo scire, an nondum acceperis fasciculum, in quo exemplaria sunt Fascic[uli] 8vi cum novis iconibus plant[arum] Americanarum, quae nono inservirent Fasciculo; gratum foret, si tuam de hisce declarare velles sententiam; pergam in descriptione, ut novo anno imprimeretur.

Gratias ago pro communicatione Geraniorum. Filius eorum species fere absolvit et, ni fallor, 80 distinctas sp[ecies] producet enucleabitque, quas Tibi aliisque Botanicis haud ingratas fore auspicor.

Hisce vale & fave, 28/11 1758.

A Monsieur
Mons[ieur] Charl[es] Linnaeus
Professeur tres Celebre
â
Upsal.

upSUMMARY

Johannes BurmanBurman, Johannes (1707-1779).
Dutch. Botanist, professor of medicine
in Amsterdam. Close friend of Linnaeus.
Correspondent of Linnaeus.
understands from Linnaeusís letter dated 7 April 1758 [this letter has not come down to us] that the description and illustration of the new plant pleased him, but he does not agree with Linnaeus that it belongs to the Ixia genus. He gives his reasons concerning the flower and the fruit. He also sent a bulb of it, hoping that it will flower next summer so that Linnaeus could observe it better. Burman hopes that he has not offended Linnaeus by having a different opinion. If Linnaeus changes his mind, Burman asks him to keep the name Ferraria.

Burman wants to know if Linnaeus has received the parcel with the copies of the eighth fascicle and the new illustrations for the ninth [Burman refers to his editing of the Plantarum Americanarum fasciculus primus[-decimus]Plumier, Charles Plantarum
Americanarum fasciculus primus[-decimus]
continens plantas, quas olim C.
Plumierius [...] detexit, eruitque,
atque in insulis Antillis ipse depinxit.
Has primum in lucem edidit, concinnis
descriptionibus & observationibus,
aeneisque tabulis illustravit J.
Burmannus
(Amsterdam 1755-1760).
].

Burman is grateful for the plant material of Geranium. Nicolaas Laurens BurmanBurman, Nicolaas Laurens
(1734-1793). Dutch. Professor of
botany. Linnaeusís pupil in Uppsala in
1760. Correspondent of Linnaeus.
has almost finished their genera and he will present and explain 80 different species [Nicolaas Laurens Burmanís Specimen botanicum de geraniisBurman, Nicolaas Laurens
Specimen botanicum de geraniis
(Leiden 1759).
was published in 1759].

upMANUSCRIPTS

a. (LS, II, 438-439). [1] [2] [3]

upEDITIONS

1. Epistolae ineditae Caroli Linnaei (1830), p. 29-31 .
2. Bref och skrifvelser (1943), vol. II:2, p. 132-133   p.132  p.133.