Documentation

Letters

-Search for letters
-Search in texts

Manuscripts

Editions

Links

Contact

C18

Link: linnaeus.c18.net/Letter/L2573 • Carl Linnaeus to Nicolaus Joseph, baron von Jacquin, 1 August 1759 n.s.
Dated 1 augusti 1759. Sent from Uppsala (Sweden) to Wien (Austria). Written in Latin.

Viro Clarissimo Experientissimoque,
D[omino] D[octori] JACQUINIO,
S[alutem] pl[urimam] d[icit]
Car[olus] Linnaeus
Eques.

De fausto Tuo, e longinquo et ancipiti itinere, in Europam reditu, Tibi nobisque omnibus animitus gratulor. Te exspectarunt una mecum naturae consulti omnes. Te florae ipsius Legatum suscipimus et veneramur, qui nobis reportas gazas et spolia peregrini orbis, nec auditas nec visas antea. Faxit Deus, ut feliciter brevi prodeant in perennem Tui nominis gloriam, in commodum et oblectamentum generis humani, in gloriam T[er] O[ptimi] Creatoris.

De Tuo faustissimo adventu me certiorem fecit communis noster Amicus Cl[arissimus] Sauvagesius, epistola de Tuis inventis adeo divite, ut poterat ipsos movere Deos.

Dicit inter alia Te descripsisse plantam leguminosam, quae connectit et deprimit cacumina summarum arborum. Intelligo satis Te locutum fuisse de Lente phaseoloide auctorum, cujus Flores nullus descripsit, ut ab eo character erui posset. Ex habitu plantae judicarem eam valde affinem esse Mimosis, nec repugnat Fructus, licet maximum coriaeceum legumen, nec Flores masculi immixti hermaphroditis. An flores pentapetali, decandri, monogyni? Si novi et distincti generis, anne haec a Te dicenda Jacquinia, qui ejus instar alte scandisti, et contraxisti tot alte positas plantas; sin minus, dicas mihi quae Tibi consecranda.

Utinam brevi prodirent Tui thesauri, quo liceret in hac vita intueri hasce delicias! Tot plantae pulcherrimae, adeo egregie delineatae! Tot nova et singularia genera non potuere non me in summam Tui admirationem rapere! Vidi Brownii delicias et miratus sum; comparavi mihi omnes ejus plantas, et examinavi quae examinari possent. Tu etiamnum cautius naturae vestigia legisti.

Achras characterem emendavi in novo systematis naturae tomo 2do ad descriptionem beati Loeflingii mei.

In charactere Sauvagesiae non reperio nectaria esse cincta pilis, dum mea evolvo exemplaria sicca.

An Conocarpus floribus decandris et pentandris sint diversarum specierum uti in Tamarice? Certe! Quam in Horto habui et semel floruit; fuit pentandra.

An Agave sobolifera hexapetala, et per consequens Yuccae species?

Si vidisti Brosseae, Bucephali, Matthiolae aut Ximeniae Flores, quaeso, dicas, ad quas classes et ordines spectant, nec haec propalabo absque Tua venia, absque honorifica Tui mentione.

Et Aristolochia aromatica tam stupendo gaudeat affectu in serpentes?

Si me digneris Tuis literis, scias nullius epistolam mihi fore magis gratam, cum a Tua sapientia non possum non proficere, et ex animo delectari. Dicas, quo dein in posterum literas meas ad Te dirigam. Tu inscribas mihi destinatas Societati Regiae scientiarum Upsaliae cujus omnes epistolas ego aperio, et certius habebo.

Annon Monnieria sit genuina species Gratiolae? Sic mihi videtur ex siccis speciminibus.

Comajandura Gynandra Decandra mihi plane ignota planta est.

In nova editione Systematis tomi 2di introduxi nova genera Americana: Paspali, Comocladiae Br. Triplaris, Allioniae, Petesiae Br., Crossopetali Br., Fagarae Br., Krameriae, Cruzetae, Varroniae Br., Erethiae Br., Chiococcae Br., Portlandiae Br., Psychotriae Br., Erithalis Br., Cedrelae Br. Loefl., Byttneriae, Combreti, Amyris Br., Weinmanniae Br., Coccolobae Br., Tinus Br., Trichiliae Br., Bucidae Br., Erythroxyli Br., Canellae Br., Blakeae Br., Sesuvii, Grias, Lecythis, Prockiae, Laetiae, Seguieriae, Curatellae, Stemodiae Br., Ellisiae Br., Monnieriae Loefl. (non Brownii), Piscidiae Br., Pectis, Ebeni, Zinniae, Amelli, Ayeniae, Xylopiae Br., Omphaleae Br., Tripsaci, Olyrae, Phari Br., Cecropiae, Batis Br., Trophis Br., Iresine Br. Achras emendavi pag. 1381, nec non Samydam, Spondias, Hippomane, Huram, Pisoniam.

His vale, et si faveas, rescribe!

Dabam Upsaliae d[ie] 1 augusti 1759.

Viro Experientissimo
D[omino] D[octori] Jacquin

upSUMMARY

Linnaeus congratulates Nicolas Joseph JacquinJacquin, Nicolaus Joseph, baron von
(1727-1817). Dutch. Botanist. In
1755 at the order of emperor Franz I of
Austria he went to the Antilles and
South America. In 1763 he became
professor of mineralogy and chemistry at
Chemnitz, later professor of botany at
Vienna and director of the botanical
garden at Schönbrunn. Correspondent
of Linnaeus.
on his safe return from his long journey to the Americas and hopes to hear more very soon on what he found there. It was François Boissier de SauvagesSauvages, François Boissier de
La Croix de
(1706-1767). French.
Botanist and clergyman and physician,
professor in medicine at Montpellier.
Correspondent of Linnaeus.
who had told Linnaeus [10 July 1759Letter L2557] about Jacquin’s return and also mentioned a new species of a liana reported by Jacquin; Linnaeus suggests it could be Lens phaseoloides that formerly had been incompletely described. On the other hand, it bears strong resemblance to Mimosa. Linnaeus asks about the class of the flowers and about what name Jacquin intended to give it if it turned out to be a new species.

Linnaeus continues by commenting on a number of details in a recent work [Linnaeus refers to The Civil and natural history of JamaicaBrowne, Patrick The Civil and
natural history of Jamaica: in three
parts: containing, I. An accurate
description of that island [...] with a
brief account of its former and present
state, government, revenues, produce,
and trade: II. A history of the natural
productions [...] native fossils [...]:
III: An account of the nature of
climates in general, and their
different effects upon the human
body
(London 1756).
] by Patrick BrowneBrowne, Patrick (1720-1790).
Irish. Botanist who made six voyages to
the West Indies. In 1756 he published
The Civil and natural history of
Jamaica
(1756). Correspondent of
Linnaeus.
which he had checked against his own observations, leading to questions about Jacquin’s opinion concerning eleven different species.

Linnaeus promises to send Jacquin copies of publications and gives him advice on how to formulate the address on letters to Linnaeus: the name Linnaeus is not necessary, but the letters must be sent to the Royal Society of Sciences at UppsalaKungliga Vetenskaps-Societeten i
Uppsala,
Swedish. The Royal
Society of Sciences at Uppsala was
founded in 1728.
whose entire mail is opened and checked by Linnaeus.

The letter ends with a list of several plant species described by Browne, species which Linnaeus had introduced in the new edition of the Systema naturae, part 2 [Linnaeus refers to the 10th edition, 1758-1759Linnaeus, Carl Systema
naturae
, 10th edition (Stockholm
1758-1759). Soulsby no. 58.
].

upMANUSCRIPTS

a. original holograph (UUB, G 152g). [1] [2] [3] [4]

upEDITIONS

1. Caroli Linnaei epistolae ad Nicolaum Josephum Jacquin (1841), p. 1-3   p.1  p.2  p.3.