Documentation

Letters

-Search for letters
-Search in texts

Manuscripts

Editions

Links

Contact

C18

Link: linnaeus.c18.net/Letter/L3799 • David Gottlieb Tachsett to Carl Linnaeus, 16 September 1766 n.s.
Dated d. 16. Sept. 1766. Sent from Leipzig (Germany) to Uppsala (Sweden). Written in Latin.

Viro Generosissimo, Excellentissimo, Doctissimo,
D[omi]no C[arolo] von Linné, Archiatro regio, Professori
Upsaliensi meritissimo,
S[alutem]
D[avid] Gott[lob] Tachsett.

Egregie implevisti spem, Vir Generosissime, quam de Tua humanitate conceperamus declarando litteris d[ie] 26 Jul[ii] ad me datis Tua consilia prudentissima pro destinato horto oeconomico instituendo et ornando nobis non defutura. Cuius rei exoptatissimum eventum ne ego mea quidem culpa morer, ad momenta his ipsis litteris proposita haec habeo quae respondeam:

1. Horto extra pomoeria urbis in aprico posito domus aliqua a nulla parte adjacet.

Ceterum

2. Muris a limo confectis a 4 circuitus sui partibus nuper circumseptus, sed incultus hactenus locus nullius arboris umbra fruitur, et hortus nunc primum debet institui.

3. Defectus etiam aquae tam vivae quam stagnantis urget hortum nostrum. Duos tamen puteos affodi curavimus, quorum alter ab oriente, alter ab occidente siti sunt. Est solum sterile in planitie constitutum, quod humo superinducto studebimus corrigere. Eius tanta vitia et incommoda satis quidem sensimus, sed in urbe populosa, qualis Lipsia, circa quam opulentia et industria incolarum ne minimum quidem angulum incultum et vacuum relinquit, locum alium magis idoneum invenire difficile fuit imo impossibile.

4. An et ubi arbores sint ponendae? An solum glareosum, et quales ferre valeat? An plantae annuae debeant seorsim collocari aut cum perennibus misceri? An plantae esculentae, cereales, tinctoriae indifferenter sint miscendae aut separandae? Id est, quod a Tua solertia et experientia capimus edoceri, idemque innuere voluimus inter alia, cum Tuam Sententiam de horto oeconomico rite instituendo expeteremus.

5. Cum de nova omnino horti institutione sermo est, catalogum plantarum receptarum mittere jam supersedemus.

Schreberus, cuius fata et instituta curiose a me requiris, studiorum amore et ob infirmam valetudinem ab officio Secretarii, cui hucusque praefuit, recessit, in cuius locum ego jam sum substitutus. Descriptionem botanico–oeconomicam graminum et calamariarum in Europa aut sponte pronatarum aut Climati adsuetarum cum delineationibus jam parat, quas subinde a Festo S[ancti] Michaelis Singulatim edere instituet.

His, pronti debui, petitis Tuis, V[ir] G[enerosissime], satisfacere volui, et ut cogitata Tua porro, sicuti humanissime polliceris, nobis impertias, iterum atque iterum Societatis meae nomine enixe abs Te rogo.

Dabam Lipsiae d[ie] 16 Sept[embris] 1766.

VIRO
Generosissimo, Excellentissimo, Doctissimo,
Domino Carolo von Linné
Equiti stellae nigrae, Archiatro
regio, Professori Upsaliensi longe
Celeberrimo
Upsalae

upSUMMARY

David Gottlieb TachsettTachsett, David Gottlieb (?-?).
German. Secretary of the Society of
Economy at Leipzig. Correspondent of
Linnaeus.
has received a letter from Linnaeus dated 26 July [1766]Letter L3774. He expresses his gratitude to Linnaeus for his advice regarding the new economical garden that is planned. Tachsett answers Linnaeus’s letter in five points.

1. There is no house adjacent to the garden, situated outside the city in a sunny place.

2. The place is still uncultivated. It has recently been surrounded by slimy walls. There is no shadow from trees. What is important is that the garden should be laid out first.

3. The problem is that there is neither running nor stagnant water. Therefore, two wells have been dug; the one is situated in the east, the other in the west. The land is sterile on level ground. Thus there are great disadvantages. However, Leipzig is full of people and, owing to the industry of the people, there is no uncultivated and empty place in the city. It was therefore impossible to find another place for the garden.

4. Tachsett wonders whether trees should be grown and in that case where, and whether the annual plants should be placed by themselves or mixed with the perennual ones. They hope to learn from Linnaeus whether eatable plants, cereals, etc., can be mixed or whether they should be placed by themselves.

5. Since an entirely new garden will be laid out, Tachsett abstains from sending a list of the plants that he has received.

Johann Christian Daniel von SchreberSchreber, Johann Christian Daniel von
(1737-1810). German. Physician
and botanist. Became doctor of medicine
at Uppsala under Linnaeus in 1760.
Professor of botany and director of the
botanical garden of Erlangen.
Correspondent of Linnaeus.
, whom Linnaeus had asked about, has left the office as Secretary of the Society of Economy at Leipzig [Leipziger Ökonomische SozietätLeipziger Ökonomische
Sozietät , The Society of Economy
at Leipzig
German. Founded in
1764.
] because of his love of study and his weak health. Tachsett is the secretary now. Schreber plans a description of the grasses and the Calamaria in Europe from a botanic and economical point of view.

Tachsett is eager to know what Linnaeus thinks about this.

upMANUSCRIPTS

a. original holograph (LS, XV, 20-21). [1] [2] [3]