Documentation

Letters

-Search for letters
-Search in texts

Manuscripts

Editions

Links

Contact

C18

Link: linnaeus.c18.net/Letter/L4336 • Johannes Beckman to Carl Linnaeus, 1 January 1770 n.s.
Dated 1. Jan. 1770. Sent from Göttingen (Germany) to (). Written in Latin.

Vir perillustris,
Fautor atque Praeceptor
omni pietate colende,

Qua me laetitia epistola Tua, scripta d[ie] 1 Octob[ris] 1769 adfecerit, ea tanta fuit quantam verbis declarare nequeo. Renovavit ea in memoriam iucundissimos vitae meae dies, in quibus TE Doctore & Fautore praesenti frui licebat. Renovavit ea & auxit gratias, quas Tibi per totam vitam meam pro tot & tantis beneficiis habebo. At, ne ulla laetitia prorsus absoluta sit, quae est sors humana, dolui quam maxime, quod, nescio quo fato infelici, penultimam epistolam, qua me ornare voluisti, non accepi. Da mihi hoc, ut sciam, num forte eam alia epistola incluseris aut cuidam miseris mihi tradendam, ut istum homuncionem nouerim, qui illum mihi honorem praeripuit.

Iam Tibi dissertationem iuvenis, qui Botanicam, Bütnero doctore, magno studio coluit, mitto, quam ut gratioso vultu accipias, auctoris ipsius verbis rogo. Ridebis haud dubie absonam Bütneri observationem de mutatis Fungorum seminibus in insecta. Scilicet Bütnerus zoologia non erat imbutus.

Incidi nuper in Lanium, quem in penultima Systematis editione Senatorem vocaveras, quem vero in ultima desidero. Fortasse eum reiecisti, quod solus Albinus eius figuram exhibuisse videbatur. Verum etiam Fritschius tab. 61. ad aves Germaniae eandem retulit, & quam avem ipsi vidi, ea in Hassia vicina capta erat. Liceat mihi eius descriptionem referre: Frons alba; vertex albus; margo oculorum alba; occiput & nucha fulva; dorsum nigrum; uropygium album; tectrices alarum albae; macula alba in remigibus primoribus; corpus subtus totum album; rectrices primae albae nigromaculatae, secundae ad basin & in apice albae; intermediae nigrae apice albae; rostrum & pedes nigri.

Septimum Amoenitatum volumen, quam primum potui, erui, legi & relegi. In primis placuit diss[ertatio] Agrostograph[iae] fundamenta, quae necessariam graminum notitiam reddidit facillimam. Quod olim iam praesens rogavi, ut eodem modo etiam fundamenta Conchyliologiae explicare velis, illud nunc etiam atque etiam rogo. Nulla in parte Systematis Tui (bibliorum meorum, unde Deum rectius agnosco, quam e theologorum, qui vocantur libris) termini technici intellectu difficiliores sunt quam in testaceorum generibus & speciebus. Optare, si licet mihi, cuius votis saepius iam satisfecisti, optabo, ut ista fundamenta Conchyliologiae figuris quibusdam velis explicare, aut si hoc non licet, ut in cuiuscunque termini explicatione figuram talem auctoris cuiusdam velis indicare, qualis terminum declarat.

Huic voto aliud adiungam, quod mihi non minus cordi est. Novam Systematis editionem cum vix sperare licet, rogo, ut non solum omnes species, quae subinde innotescunt, separatim supplemento velis addere, sed ut quoque synonyma auctorum, qui recentiori tempore quasdam historiae nat[uralis] partes separatim dederunt, uti Martini conchyliorum, Gmelini fucorum, Daubanton avium &c. ad species tuas referas, quemadmodum ipse in Appendice cum Sebae & Schafferi libris fecisti.

Denique favori Tuo me commendo, Tibique & Tuis felicissimam longaevitatem, quaevis bona & fausta adprecor ex animi mei, quem nosti quam sit sincerus, sententia, non e sola consuetudine, etsi hanc epistolam primo novi anni diem scripserim. Vale & fave

perillustris nominis
Tui
Cultori
Johanni Beckmanno

Göttingae d[ie] 1 Jan[uarii] 1770.

upSUMMARY

Johannes BeckmanBeckman, Johannes (1739-1811).
German. Professor of economy,
Göttingen. After a two-year stay in
St Petersburg, he travelled in Sweden
and Denmark in 1765-1766. Correspondent
of Linnaeus.
thanks Linnaeus for his letter of 1 October 1769 [this letter has not come down to us] that had reminded him of his stay in Uppsala. He is sorry that he did not receive Linnaeus’s other letter, written before this one, and he hopes that Linnaeus can send him the information once more.

Now, Beckman sends Linnaeus a dissertation by a pupil [Friedrich Wilhelm WeissWeiss, Friedrich Wilhelm
(1744-). German. Physician,
Göttingen.
] of David Sigismund August BüttnerBüttner, David Sigismund August
(1724-1768). Hungarian. Professor
of medicine and botany in 1756, Berlin,
in 1760 professor of botany and zoology,
Göttingen.
, which its author has asked him to forward.

Beckman gives a short description of a bird that is not mentioned in the editions of Systema naturae, 12th editionLinnaeus, Carl Systema
naturae
, 12th edition (Stockholm
1766-1768). Soulsby no. 62.
.

Beckman has received a copy of Amoenitates academicaeLinnaeus, Carl Amoenitates
academicae
, I-X (Stockholm
1749-1790). Soulsby no. 1280.
, volume seven [published in 1769], and it leads him to ask Linnaeus to make clear, in text and pictures, the basic facts and terminology of the knowledge of Conchylia, which are more difficult to understand than any other creature.

Finally, Beckman asks Linnaeus to include also the synonym names that several scholars have given to several species in different parts of nature, in the supplements of Systema naturae with reference to Linnaeus’s own names. It is hardly possible that a new edition will appear, but supplements will take all such additions.

The letter ends by a wish of a happy new year.

upMANUSCRIPTS

a. original holograph (LS, I, 502-503). [1] [2] [3] [4] [5]

upEDITIONS

1. Bref och skrifvelser (1916), vol. II:1, p. 266-268   p.266  p.267  p.268.