Documentation

Letters

-Search for letters
-Search in texts

Manuscripts

Editions

Links

Contact

C18

Link: linnaeus.c18.net/Letter/L4409 • Carl Linnaeus to Morten Thrane Brünnich, 4 September 1770 n.s.
Dated 1770 d. 4 septembris.. Sent from Uppsala (Sweden) to København (Denmark). Written in Latin.

Viro Celeberrimo,
D[omino] D[octori] Martin[o] BRUNNICHIO,
in Acad[emia] Haffniens[i] Profess[ori] publ[ico],
Amico suo sincero,
s[alutem] pl[urimam] d[icit]
Car[olus] v[on] Linné.

Non possum effari, quanta cum voluptate legi Tuas d[ie] 1 junii datas, quas nunc nimis sero accepi.

Gratulor Tibi non tantum felicissimum ad Tuos reditum, sed et munus honorificentissimum et omnia ista commoda, quae pro scientia obtinuisti. Opto avide videre istum diem, quo hic Te coram intuear, et a Te addiscere, quae remotus a Doctis viris, non potui attingere.

Obstupescebam, dum legi de Insectis Tuis rarissimis; certe nisi senium me occupasset, lubenter Tui caussa, et ut hos viderem thesauros, Haffniam ipse adirem; sed vetant fata.

Nondum misit D[ominus] Ferber Ichthyologiam aut dona Tua aurea insectorum, quae quotidie avidissime exspecto.

cripsisti quondam Te concessurum locum in splendidissimo Tuo museo iconi e gypso, de quo quaesivi Holmiae, sed non ob¬tinui; si accedas, poteris et hanc et Swabii obtinere, quas idem elaboravit juvenis.

Miror maxime, quaenam sit ista Falkia tetraspis? Salicorniam foliacescentem habeo inter meas siccas, sed non ausus fui dubius eam proponere. Cheiranthus tataricus anne Cheiranthus salinus?

Quid fiet de splendido horto vestro Hafniensi? An in cassum ruat? Hoc dolerem maxime. Quo se vertat D[ominus] Zoega? Quid agit D[ominus] Fabricius? Oro, describas et me certiorem facias, quum soles tam vivide et facile omnia narrare.

Ego, dum vixero, Tuus permanebo cultor sincerus Upsaliae.

1770 d[ie] 4 septembris.

Princeps noster non tam cito accedat.

[address]
Viro amplissimo
D[omino] D[octori] Martin[o] Brunnichio
Professori Haffniens[i]
p[er]
Copenhagen
frijbr[ef]

upSUMMARY

Not yet available

upMANUSCRIPTS

a. original holograph (Københavns Universitetsbibliotek).

upEDITIONS

1. “Af Linnés brevvexling” (1871), p. 519-520   p.519  p.520.
2. Bref och skrifvelser (1916), vol. II:1, p. 413-414   p.413  p.414.