Documentation

Letters

-Search for letters
-Search in texts

Manuscripts

Editions

Links

Contact

C18

Link: linnaeus.c18.net/Letter/L5212 • Morten Thrane Brünnich to Carl Linnaeus, 10 April 1776 n.s.
Dated 10 Aprilis 1776. Sent from () to Uppsala (Sweden). Written in Latin.

Viro Perillustri & Celeberrimo,
Equiti Aurato,
D[omi]no Carolo de Linné,
S[alutem] pl[urimam] d[icit]
Martinus Thr[ane] Brünnichius

Commercium literarum, quo me diutius honorasti, multo jam tempore suspensum fuit, idque ob negotia apud fodinas Kongsbergenses mihi injuncta, ubi taedioso labore, juris magis quam naturae consultis proprio, per tres annos vacabam; ideoque nescio, si post ultimas Tuas, sub finem anni 1772 datas, meas reddiderim. E Norvegia jam reversus et celebratis nuptiis, etiam in ordinem digestis propriis collectionibus, habui hac hyeme praelectiones in mineralogicis & metallurgicis; earum privatissimas audivit Vir in metallurgicis bene versatus D[omi]nus Hofgaard. Iter ingressurus iste meus amicus, ut apud Vos eruditionem et experientiam suam inprimis in metallurgicis adaugere queat; meam simul cum hisce literis salutem & reverentiam Tibi, Vir aestumatissime, dicendam promisit, & quam intense pro Tua senectute, utinam per seriem annorum feliciter provehenda, Vota facio.

Vernum tempus anni proxime praeterlapsi a negotiis Kongsbergensibus mihi vacabat, ideoque ibi herbatim perlustravi montes eorumque cacumina inter Alpes prominentia. Inde copiosam plantarum messem retuli, ex qua Tibi transmitto plantae exsiccatae specimen Arenariam tetragyniam, cujus Styli IV. erecto reflexi, stigmata obtusa. Stamina X. linearia, alterna longitudine corollae, calyce dimidio brevioris, alterna breviora, destituta longiorum glandula. Capsula ovata apice 5- fariam dehiscens. Cetera indicabit plantae specimen. Habitat in sylvis umbrosis ad radices arborum putridas & alibi; floret ineunte Junio. Pezizam eodem tempore collegi superne concavam coccineam, inferne albam sessilem substantia carnosa lactea. Habitat super ramis alni putridis terra sepultis, unde vix prominet superficie concava colore crocineo distincta in umbrosis mediae montis.

Felem m. & f. pilis laxis aliisque notis a domestica variam inveni apud rusticos alpium Norvegiae; edit vegetabilia & carnes. Sine dubio eadem est cum ea, quam in Scanico itinere Tu quondam vidisti.

Plura hac vice non addam, si modo Tuis iterum me erudire velis & credas me esse ad urnam usque Tui nominis sincerum cultorem.

Dabantur Hafniae d[ie] 10 Aprilis 1776.

Propediem videbis obs[ervationes] in itinere per Hungariam & Transylv[aniam] collectas. Hac aestate museum Moltkianum in ordinem redigere & nova describere aggredior.[a][a] : MS1 Propediem ... aggredior
[added in the margin]

[address]
a Monsieur
Monsieur Charles de Linné Chevalier de
l’ordre Nordstierne Archiater & Professeur de l’Université
Membre des Societes illustres
a Upsal.

upSUMMARY

Morten Thrane BrünnichBrünnich, Morten Thrane
(1737-1827). Danish. Professor of
natural history, Copenhagen. Later
employed by the Danish mining department
in Norway. Correspondent of Linnaeus.
admits that their exchange of letters has been interrupted for some years. He has been working in Kongsberg for three years. He is not sure if he has sent an answer to the latest letter from Linnaeus, dated in the end of 1772. Brünnich is now back from Norway, he has got married, and he has arranged his collections. This winter, he has given lectures in mineralogy and metallurgy. A pupil of his, Hofgaard, is leaving to go to Uppsala and learn more from Linnaeus, so Brünnich sends this letter with a greeting of his own. He hopes that Linnaeus still has a long life ahead of him.

Brünnich had made some excursions around Kongsberg during the spring of last year. He had gathered a large number of plants, and he sends Linnaeus a dried specimen of one of them, Arenaria tetragynia, and he also gives a short characteristic of the species.

P. S. Linnaeus will soon be able to see a report of Ignaz von Born’sBorn, Ignaz von (1741-1791).
Austrian. Imperial counsellor of mines,
Vienna. Correspondent of Linnaeus.
journey through Hungary and Transylvania [presumably Briefe über mineralogische GegenständeBorn, Ignaz von Briefe
über mineralogische
Gegenstände auf seiner Reiser durch
das Temeswarer Bannat,
Siebenbürgen, Over- und
Nieder-Hungarn
(Frankfurt &
Leipzig, 1774).
]. This summer, Brünnich will arrange Adam Gottlob Moltke’sMoltke, Adam Gottlob
(1710-1792). Danish. High court
official at Frederik V, statesman and
diplomat.
museum.

upMANUSCRIPTS

a. (LS, II, 279-280). [1] [2] [3]

upEDITIONS

1. “Af Linnés brevvexling” (1871), p. 433-434   p.433  p.434.
2. Bref och skrifvelser (1916), vol. II:1, p. 419-420   p.419  p.420.

upTEXTUAL NOTES

a.
MS1 Propediem ... aggredior [added in the margin]